Раённы конкурс кабінетаў беларускай мовы і літаратуры

08.04.2013 20:22
Печать

З мэтай павышэння якасці адукацыйнага працэсу, вывучэння і абагульнення вопыту работы загадчыкаў кабінетаў беларускай мовы і літаратуры з 01 па 03 красавіка 2013 года быў праведзены раённы конкурс кабінетаў беларускай мовы і літаратуры. У конкурсе прымалі ўдзел 11 устаноў адукацыі. Журы адзначае высокі ўзровень падрыхтоўкі школ-удзельнікаў.


Эстэтычнасцю афармлення вызначаюцца кабінеты беларускай мовы і літаратуры сярэдніх школ № 45, 40, 21, 28, 8,23, 27. Загадчыкамі кабінетаў школ № 33, 26, 21 накоплены і сістэматызаваны багаты навукова-метадычны, дыдактычны матэрыял па беларускай мове і літаратуры.Наяўнасць сучаснага тэхнічнага абсталявання можна было ўбачыць у кабінетах беларускай мовы і літаратуры сярэдніх школ № 45, 40, 27, 33; стылявое адзінства, актуальнасць рубрык, інфармацыйнасць стэндаў – у кабінетах школ № 45, 40, 28, 8, 4. Арыгінальнасць афармлення этнаграфічных куткоў адрознівае кабінеты сярэдніх школ № 8, 21, 40, 33, 27, 4, 23, 11.

Па выніках конкурсу пераможцамі сталі кабінеты беларускай мовы і літаратуры сярэдніх школ № 33, 45, 40, 21.